Décima xornada no grupo 5 da Segunda Autonómica e viaxamos ata o campo do Urdilde, plantel que ocupa, sorprendentemente, os postos baixos da clasificación.
1 partido gañado, 2 empatados e 6 encontros perdidos son o balance dun equipo que, para moitos, era un dos candidatos a estar arriba na clasificación.
Polo Rece, o máis salientable é a volta á convocatoria de Carabán e Nacho tras recuperarse de sendas lesións.
O Consello de sabios decidiu que o Premio 5 Estrelas “INFANTILANDIA” desta semana fora para Jusepe, Rafa e Alex. A diversión e os bos momentos ofrecidos por Infantilandia en todos e cada un dos seus eventos son comparables ó bo rato que pasan os xogadores do Recesende cada vez que se xuntan sexa para xogar, entrenar ou ir de festa.
A elección do premio estivo máis reñida ca nunca e sondeáronse un montón de nomes, pero os que máis se repetían eran os de estes tres homes. Noraboa e a seguir así.