Derrota hoxe do Recesende no Municipal de Brión, diante dun equipo que sen facer moito máis que nos se leva os tres puntos.

En ningún momento do partido conseguimos ter o dominio do balón, debido en parte a que o noso medio do campo estivo bastante perdido polos constantes movementos e cambios de posición dos xogadores desta parcela do Brión. Esta situación foi máis notoria nos primeiros vinte minutos do partido onde os locais tocaban o balón a pracer e creábannos bastante perigo, sobre todo con tiros dende fora da área. Así foi como crearon a primeira gran ocasión do encontro cun disparo que acabou no pao defendido por Diego. Pouco a pouco fómosnos axustando no centro do campo e eles non se sentían xa tan cómodos, con varias pérdidas na saída do balón que propiciaban que foramos adiantando as liñas. A nosa primeira ocasión foi un tiro de Alex que logrou sacar o porteiro rival cunha boa estirada, aínda que o árbitro non observara esto e concedera saque de porta. Minutos máis tarde chegaría o 0-1, cun penalti ao noso favor por unhas mans dentro da área, que foi lanzado por Alex.

Tras este gol, fomos capaces de conter o tirón dos locais en busca do empate. A única ocasión da que disfrutaron antes da chegada do descanso foi un bo tiro de falta ao borde da área que petou no pao.

A segunda parte comezou, pero pareceu que os xogadores do Rece quedaron aínda un pouco máis de tempo nos vestiarios xa que saíron cunha torrixa das boas. O Brión chegaba moi fácil aos noso terreo e o gol do empate parecía que non ía a tardar en chegar. Meu dito meu feito; minuto 55, centro do Brión que toca nas mans de nacho, penalti transformado e 1-1 no marcador. Mentres tanto nós seguiamos sen encontrarnos. Non había movementos e a nosa única saida era o balón en largo.

O gol da victoria do Brión chegou a balón parado e con algo de sorte. Falta que os locais colgan dende o seu campo, barullo na área e o balón que acaba entrando: 2-1.

Desde este gol ata o final pouco que contar. Todos os nosos intentos eran con balóns colgados que foron despexados todos pola zaga local, aproveitando e valéndose do seu superior poderío físico.

Final do partido e tres importantes puntos que se nos escapan.

Xogaron: Diego, Jhoni, Nacho (Gustavo), Carabán, Eloi, Muras, Mika (Gabi), Carlos, Roni, Alex (Lojo) e Osvaldo (Munín).

Goles: Alex