CON LOJO, TODO É MÁIS FÁCIL

Primeiro hattrick da tempada para un dos nosos xogadores e quén mellor para ser o seu protagonista, que o capi Lojo. Él, xunto con Rafa, foron os goleadores dun encontro no que o equipo funcionou a arreóns e, sen convencer de todo, logrou unha holgada vitoria.

Un campo impracticable recibía a dous equipos situados nos extremos opostos da clasificación. Tocar o balón tal e como estaba o terreo era imposible e impensable. Éste foi o noso primeiro erro do encontro xa que o comezamos querendo evitar o balonazo en largo e perdimos bastantes balóns en zonas perigosas. A pesar de isto, conseguimos adiantarnos no marcador cedo, no minuto 10, tras un saque de esquina rematado en primeira instancia por Jusepe na que o porteiro evita o gol de éste cunha importate parada pero alí estaba Lojo atento ó rexeite para enviar o balón ás redes.

O que parecía máis simple e fácil de facer con esta ventaxa que era non complicarse a vida e sacar o balón da nosa zona perigosa, pois non o fixemos e isto facía que o Rois, pouco a pouco, empezara a asomar con certo asiduo pola nosa área. Un man a man salvado por Luis e, sobre todo unha xogada na que o dianteiro visitante se relaxou demasiado cando sólo tiña que empuxar o balón sen oposición pero que salvou un rápido Jusepe, foron as ocasión máis claras das que dispuxeron na primeira metade.

O Rois facía un xogo fácil e dáballe resultado, sen embargo non estaba fino de cara a portería. Todo o contrario que nos, que nos complicabamos a vida pero tivemos fortuna nos poucos acercamentos dos primeiros 45 minutos. No minuto 38, nun novo saque e esquina, o balón queda rechazado na frontal da área para que Lojo, tras controlar co peito, se acomodase para colocar o esférico fora do alcance do porteiro: 2-0.

Con este resultado marchamos ó descanso a resguardarse da continua chuvia que caía na Devesiña.

A segunda parte non fixo máis que confirmar a nosa efectividade de cara a gol. Primeiro minuto e 3-0, obra de Rafa que aproveitaba que se quedaba sólo e superaba o cancerbeiro cun sutil golpeo. Esta ventaxa de tres goles fixo que nos relaxaramos e , como xa avisamos na previa, se te relaxas ante un equipo coma o Rois é moi posible que leves algún susto… e así foi. No minuto 56, tras unha serie de rexeites dentro da nosa área, o balón quedáballe franco a un contrario para recortar distancias: 3-1.

Tan sólo dous minutos despois deste gol, chegaría o 3-2 tras un penalti pitado polo árbitro por mans de Raúl. Os nervios apoderávanse dos nosos que vían como se lles complicaba un encontro que o tiñan ganado. Sen embargo, de novo apareceu Lojo para poñer a cordura no partido e, tras un xogadón de Alex, o capi remataba de cabeza un balón no segundo pao e poñía o 4-2 cando trasncurría o minuto 65.

A festa de goles parecía non ter fin cando no minuto 67, Rafa que parecía celarse dos goles de Lojo, conseguía o seu doblete nun balón que enviaba ás redes coa sua perna izquierda: 5-2.

O partido agora sí estaba resolto. Destacar un gol anulado a Pedro por posible fora de xogo e unha expulsión dun xogador visitante cando restaban quince minutos para o fin.

Nova vitoria para o Rece que segue asentándose na quinta posición e aumentado a vantaxe co sexto clasificado.

Xogaron: Luis, Gustavo, Jusepe (Raúl), Muras, Roberto (Portos), Carlos, Mika, Alex, Roni (Pedro) Rafa e Lojo (Suso).

Goles: Lojo (3) e Rafa (2)

UN PENALTI EN CONTRA NO MINUTO 96 IMPIDE QUE VOLTEMOS COS TRES PUNTOS

Resultado xusto co que se resolveu un encontro no que os locais dominaron a primeira metade e o Rece, a segunda. A pesar de dar como bo o empate, quedamos con mal sabor de boca por esa última xogada na que se nos escapou a vitoria.

O Esclavitud tivo o dominio do esférico e foi superior na primeira metade. Nós como xa fixeramos na última xornada, repetimos o esquema 3-5-2 pero desta vez tivemos máis problemas, sobre todo de colocación. O feito de que os extremos locais xogasen moi pegados ás bandas obligaba a que Raúl e Jusepe (laterais) se tiveran que separar en demasía de Carabán, algo non recomendado cando se xoga con defensa de tres. A outra solución era que os carrileiros Lojo e Alex botaran unha man á hora de defender, pero nun campo tan grande, este feito acabaría por rebentalos físicamente.

O citado dominio local non se traducía en ocasións pero sí en posicionamento e anticipación. Estaban ben colocados e conseguían combinar con certa facilidade. Sen embargo, a primeira oportunidade do encontro disfrutámola nós e chegou tras unha bonita xogada por banda de Lojo que rematou nun centro ó que Pedro non chegou por milímetros. Curiosamente, foi tras esta xogada cando chegou o primeiro gol: minuto 21, o Esclavitud combina rápido e o balón chégalle ó extremo diestro que entrando na área, bate a Rubén por arriba, tras queda éste a media saida; 1-0.

Esta mínima vantaxe puido aumentar nos minutos seguintes nun remate de cabeza tras un saque de esquina que atrapou Rubén con apuros e tamén nun tiro do seu dianteiro dende fora da área. Pola nosa parte, a pesar de xogar con dous homes arriba coa intención de ter presencia na área rival, non logramos crear perigo e nin sequera chegamos a disparar entre os tres paos.

Co resultado de 1-0 marchámonos a vestiarios. Había que solucionar o problema de defender o xogo por bandas rival e tamén obligar aos nosos homes do medio a que deran un paso hacia adiante, que tiraran do equipo co obxectivo de buscar área contraria.

A segunda parte foi distinta. Rafa colleu máis protagonismo e estivo máis tempo en contacto co balón e Lojo máis o mesmo. O gol do empate chegou no minuto 66 nun contragolpe que culminou cun soberbio disparo de Rafa dende fora da área que entrou moi pegadiño ó poste; 1-1.

Este gol non cambiou a dinámica da segunda metade e seguimos dominando lixeiramente. O Esclavitud acercábase a base de forza e loita e a piques estivo de volver a poñerse por diante nun disparo que obligou de novo a Rubén a lucirse e enviar o balón a córner.

Co empate no marcador chegamos ó desconto. No minuto 92 disfrutamos dun saque de esquina ó noso favor que foi o primeiro de tres seguidos, cun tiro ó pao incluido nun deles. Foi no minuto 94, no que o terceiro córner supuxo un remate de cabeza de Carabán que parece ser que desvía algúen e o balón termina entrando nas redes provocando o 1-2. O encontro estaba acabado pero o colexiado determinou que ainda quedaba tempo para deixarlle sacar dous novos saques de esquina os locais, nos cales houbo falta ó porteiro en ambos que non viu. No segundo, esta falta desembocou nunha man de Carabán pola que foi expulsado con roxa directa xa que intentaba salvar o gol. O penalti posterior sería transformado e remataría o partido con 2-2.

Xogaron: Rubén, Jusepe, Carabán, Raúl, Mika (Portos), Carlos, Rafa, Alex (Roberto), Lojo, Pedro e Roni.

Goles: Rafa e Jusepe (o acta atribuillo a él)