UN FORTE BASTAVALES LÉVASE MERECIDAMENTE OS PRIMEIROS PUNTOS DA DEVESIÑA

O Recesende atópase en plena crise de xogo. Preocupa o non ser capaz de xerar ocasións, de non chegar con efectivos suficientes a remate, de non ser quén de usar as bandas con certo criterio, a falta de intensidade e de contundencia no medio do campo que provoca que o rival gañe tanto os primeiros coma segundos balóns. Todo esto unido fai que o resultado sexa un encontro coma o vivido onte e coma o da semana pasada ante o Sar.

O Bastavales empezou o partido coma un vendaval, directo a buscar o gol sen miramentos e sen preocuparse de non encaixar. Nos primeiros vinte minutos, non conseguimos dar máis de tres pases seguidos. O balón en largo a un dos seus dianteiros para que éste o peinara para o seu compañeiro de ataque era a táctica que máis eficacia lles daba para xerar ocasións. 

Foi no minuto 14, cando unha rápida xogada de ataque pola banda terminou nun centro raso encontrando rematador no segundo pao que tan sólo tivo que empuxala: 0-1.

A pesar do gol, o partido non cambiou e o Bastavales non variou o seu xogo intentando buscar o segundo tanto. Centros perigosos, disparo dende dentro e fóra da área… o encontro era deles. Así pasou a media hora de encontro, os visitantes parece como si deran un pequeno paso atrás que aproveitamos para facer acto de presencia no seu territorio. Conseguimos sacar algún saque de esquina, un disparo dende a frontal de Peri que se foi desviado e tamén un intento de vaselina de Lojo que sacou o porteiro en último instante cando parecía que era gol.

A primeira parte chegaba ó seu fin, e foi Osvaldo o que se encargou de poñer as tablas tras aproveitar un balón morto na área pequena logo dun cabezazo de Carabán en primeira instancia: 1-1.

A segunda parte foi un pouco máis igualada, o Bastavales non chegaba con tanta claridade á nosa portería pero nós seguíamos nulos en ataque. O xogo interrumpiuse cada pouco e as protestas ó colexiado foron a tónica dos segundos 45 minutos.

Sen embargo, de novo un balón peinado polo dianteiro rival era aproveitado polo seu compañeiro para plantarse diante de Luis e cruzar o balón ó segundo pao: 1-2.

Vinte minutos por diante e os visitantes desta vez sí que deron uns descarados pases atrás para defendor o resultado e arrinconáronse no seu campo confiando na súa fortaleza defensiva e na velocidade dos dous xogadores de arriba para aproveitar algunha contra. E fixeron ben en confiar porque non había forma de meterlle man nos balóns colgados a súa área.

O partido chegaba ó fin e case no desconto chegaba a expulsión de Muras por protestar un saque de esquina que sería o que provocou o terceiro gol visitante: 1-3. Xa no desconto o trencilla enviou á caseta a un xogador deles.

Xogaron: Luis, Brais, Gustavo, Jusepe, Carabán, Muras, Mika, Peri (Rafa), Lojo (Portos), Roni (Pedro) e Osvaldo.

Gol: Osvaldo

MAL PARTIDO = DERROTA

Das risas do sábado a noite na cea de equipo, pasamos ás caras de cansancio de antes do partido para terminar con caras largas ó fin de éste.

O encontro foi moi trabado durante os noventa minutos. As xogadas combinativas brillaban pola súa ausencia por ambos lados e as escasas ocasións procedçian de balóns roubados en medio campo con rápidas xogadas de ataque.

Nos primeiros vinte minutos, o xogo non tivo dominador, ninguén era quen de dar un paso adiante e tomar as rendas para ir a polo gol. As nosas ocasións máis claras foron un disparo moi lexano de Osvaldo intentando sorprender pero que se marchou alto e un remate de cabeza que obligou ó porteiro a despexalo a córner. Tras estes minutos iniciais, foron os locais os que conseguiron ter máis a posesion do esférico e a encadear varias xogadas de perigo. Nós non eramos capaces de sacarnos a presión de encima e o asunto tiña mala pinta.

Foi no minuto 38 no que a nosa falta de intensidade provocou que un xogador rival collera o balón na zona de tres cuartos, tivera tempo de sobra para mirar e pensar o pase sen oposición e puxera un bo balón ás espaldas da nosa defensa para que o seu compañeiro sólo tivera que controlar e batir a Mateo cun disparo cruzado: 1-0.

En desventaxa chegamos ó descanso confiados en poder reaccionar e remontar na segunda metade.

Nos primeiros intres despois da volta de vestiarios sí que se veu un Rece que quería ir a polo partido, especialmente cun Pedro moi activo que dispuxo da nosa mellor ocasión tras unha xogada individual que rematou cun disparo rozando a escadra. 

Pouco a pouco o Sar foi enfriando o encontro e afastando o balón da súa zona de perigo. A esta situación tamén axudou o árbitro que desquiciou a locais e visitantes coas súas decisións, pero eramos nós quen tiñamos as de perder xa que as súas continuas interrupcións do encontro xogaban na nosa contra.

Os minutos pasaban e o Sar non estaba incómodo defendendo o resultado. Peri tivo unha boa ocasión pero o seu tiro saiu demasiado cruzado. Máis tarde sería o turno para Rafa cun tiro libre que o meta salvou con apuros logo de que o balón salvara a barreira.

Non houbo tempo para máis e terceira derrota da tempada, as tres a domicilio onde sólo conseguimos sacara tres dos doce untos en xogo. Asi que xa temos tarea pendente.

Xogaron: Mateo, Brais, Jusepe (Gustavo), Carabán, Muras, Mika, Lojo (Pedro), Roni, Rafa, Portos (Peri) e Osvaldo.